Með pompi og prakt

 Kata Jak lengst til hægri, Sóley og Guðrún Ágústa á góðri stund á landsfundinum. Kötu á þing í vor!

Hvet ykkur eindregið til að horfa á Borgarafund RÚV í gærkvöldi hér.

Þar var annars vegar fjallað um félagsmál og hins vegar um menntamál. Þar voru Ögmundur Jónasson og Katrín Jakobsdóttir frá VG í góðum hópi og fóru á kostum. Ég var óskaplega ánægð með þau bæði tvö og innilega sammála þeirra málflutningi. Ég hef líka alltaf haldið mikið upp á Jóhönnu Sigurðardóttur og fannst gaman að sjá hana á skjánum - sem og fleira gott fólk.

Fer það virkilega á milli mála hvor hefur betri málstað að verja í íslensku samfélagi í dag - ríkisstjórnin eða stjórnarandstaðan?

Á Sjálfstæðisflokkur að vera hér við völd í 20 ár?! Nei!

Það er löngu kominn tími á endurnýjun þar sem nýjar og betri áherslur taka við. 

Tími grænnar velferðar-, jafnréttis- og félagshyggjustjórnar er kominn. Ég bara trúi ekki öðru!

Megi ríkisstjórnin falla með pompi og prakt þann 12. maí!

Ég fer í megna fýlu ef það gerist ekki. Megna. Jafnvel þótt Eiríkur vinni Eurovision og klæðist leðri frá toppi til táar.

Athugasemdir

[Jóhannes Ragnarsson, 25.4.2007 kl. 07:45]

Kötu á þing í vor !??? - Kötu í Menntamálaráðuneytið !??? Samkvæmt þessu virðast einhverjir vera á þeirri skoðun að Kata eigi erindi í pólitík. Ég hef miklar efasemdir um að svo sé - því miður.

[valg, 25.4.2007 kl. 09:46]

Þú ert að hvetja fólk til að horfa á borgarafund Rúv, sem fram fór í gærkvöld. Mér nægir að horfa á hann einu sinni. Hvílíkt rugl í Vinstri grænum. Hver er þessi Kata? Allavega á hún ekkert erindi í stjórnmál. Raunar mættu allir þingmenn Vinstri grænna detta út. Fyrir minn smekk. Að ég tali nú ekki um Íslandshreyfinguna!! Og Baráttusamtökin!! Hvað er í gangi?

[Guðrún Ágústa (IP-tala skráð) 25.4.2007 kl. 13:50]

Mikið er ég sammála þér Lilja. Þau voru bæði frábær  Ég er nú sannfærð um að þau fari á þing og svo vona ég að þú verður þar með þeim!

[Sóley Tómasdóttir (IP-tala skráð) 25.4.2007 kl. 18:50]

Jesús minn hvað ég er ljót á þessari mynd...