Viltu finna hamingjuna?

Í mínum augum er einstaklingur sem býr yfir samhygð, hlýju og gæsku heilbrigður. Ef hann temur sér samhygð, ástúð og alúð opnar það sjálfkrafa dyrnar að hans innra manni... Ég tel að með því að rækta jákvætt hugarástand eins og gæsku og samhygð stuðli menn tvímælalaust að andlegu heilbrigði og hamingju... Ef við viljum höndla sanna hamingju verðum við oft að breyta viðhorfum okkar og hugsunarhætti og það er ekkert einfalt mál... Við verðum líka að beita ýmsum aðferðum til að fást við og sigrast á neikvæðu hugarástandi sem er bæði margvíslegt og flókið... Það er ekki auðvelt. Það krefst margvíslegra aðferða sem við verðum sífellt að endurtaka og það tekur tíma að venjast slíkri þjálfun. Þetta er námsferli. Með tímanum ætti okkur að takast að breyta okkur til hins betra. Þegar við förum á fætur á morgnana getum við tileinkað okkur jákvæðari atferlisvaka með því að hugsa: "Ég ætla að nota daginn á jákvæðari hátt."... Við þörfnumst ekki meiri peninga, meiri velgengni eða frægðar, við þörfnumst ekki fullkomins sköpulags eða fullkomins maka - á þessari stundu, á þessu andartaki þörfnumst við einskis annars en hugans til að verða fullkomlega hamingjusöm.

Þetta segir Dalai Lama.

Ég var minnt á hann um daginn af minni góðu stöllu og samherja Andreu Ólafs sem vakti athygli á þessu pólitíska stöðumati hér.

Sem sagt. Nú þegar við erum að fara fram úr rúmunum eigum við í anda Dalai Lama að hugsa eina fallega og góða jákvæða hugsun og láta hana fylgja okkur í gegnum daginn, sama hvað á reynir. Sem hluta af námsferlinu á leið til hamingju. Laugardagur til lukku. Á fætur!

Athugasemdir

[Kleópatra Mjöll Guðmundsdóttir (IP-tala skráð) 10.2.2007 kl. 11:17]

flott lesning nývöknuð... takk og góðan daginn

[Kristján Pétursson, 10.2.2007 kl. 13:36]

Kærar þakkir fyrir að færa okkur hamingju Dalai Lama heim í stofu.Ég ætla að nota daginn á jákvæðan og hollan hátt og fara upp í Heiðmörk í góðan og langan göngutúr.Ætla að sneiða fram hjá eyðileggingu Kópavogsbæjar á skóglendinu þarna.

[Guðný Anna Arnþórsdóttir, 10.2.2007 kl. 17:02]

Frábært. Takk fyrir að birta þetta. Kíki alltaf til þín annað slagið. Bestu kveðjur!

[Anna Benkovic Mikaelsdóttir, 12.2.2007 kl. 19:35]

Þegar ég var á friðarráðstefnu í Prag 1988 eða 89 þá voru þar 3 Tíbetbúddamúnkar.  Þeir voru manna glaðastir og sögðu brandara og mikið af þeim að læra...en eins og allir vita er Tíbet "innlimað " í Kína.

GLEÐIN 

[Kolla, 15.2.2007 kl. 15:03]

Verð að prófa þetta strax í fyrramálið:)

[fífa (IP-tala skráð) 17.2.2007 kl. 04:58]

þú ert nú meiri uppáhalds! takk fyrir samveruna og spjallið. 

ást og bylting

 fífa

[Pall Gestsson (IP-tala skráð) 19.2.2007 kl. 15:18]

Ert hætt að blogga mín kæra, það væri mikið misst.

Páll Gestsson

[Birgitta Jónsdóttir, 20.2.2007 kl. 13:18]

Dalai Lama er og verður mín helsta fyrirmynd í lífinu, einmitt vegna þess sem kemur fram í þessari hugleiðingu. Maðurinn hefur farið í gegnum það sem kalla má helvíti á jörð en tekst alltaf að finna þennan bjarta stað innra með sér og ekki bara það heldur deila því með öðrum. Uppljómun í hinu daglega lífi. Það er líka svo magnað að alltaf þegar maður sér hann, þá getur maður ekki annað en brosað. Takk fyrir að minna mig á hann blessaðan:)