Baráttukveðjur

 

Langar til að senda baráttukveðjur til allra björgunarsveitarmanna og -kvenna. Þeirra sem hafa verið (og eru enn) að berjast úti í kuldanum og óveðrinu um landið. Ég dáist að úthaldinu og þróttinum og viljanum til að hjálpa...

Ef við værum í Ameríku væri sagt: "They´re Our Heroes".

Þegar ég hugsa um það er kannski ekki vanþörf á að senda baráttukveðjur til allra hinna líka. Ekki bara þeirra í formlegu björgunarsveitunum með nöfnum, heldur líka allra hinna.

Allra hinna sem eru einnig að berjast fyrir betra Íslandi, hver með sínum hætti. Að reyna að bjarga því sem þeim þykir vænt um frá drukknun. Breyta því sem þeim þykir rangt í eitthvað sem þeim þykir rétt. Breyta jafnvel sjálfum sér, byltast í kerfinu, berjast í bökkum. Þar fer líka fram hörð og tvísýn barátta með vindinn beint í fangið.

Muna að styðja ólíkar björgunarsveitir í ár og á nýju ári...

Er annars hlaupin út í lognið í Reykjavík. Út að leika.

Athugasemdir

[Gunnar Helgi Eysteinsson, 22.12.2006 kl. 13:32]

Baráttukveðjur frá mér líka...

[Ólafur fannberg, 22.12.2006 kl. 15:04]

sama héðan

[Hilmar Hafsteinsson (IP-tala skráð) 23.12.2006 kl. 00:28]

... vinsamlegast athugaðu að konur eru líka menn. Það er undarlegt að menntaðir Íslendingar skuli þráfaldlega misskilja kyn sitt. Konur og karlar eru menn.

[Sveinn Hjörtur , 23.12.2006 kl. 10:36]

Þetta eru hetjurnar okkar. Munum bara eftir þeim þegar keyptir verða flugeldar, er það ekki?