Fé skattborgara notað til að borga einkagróða

Í umsögn prófessors Rúnars Vilhjálmssonar um "sjúkratryggingafrumvarp" Guðlaugs Þórs Þórðarsonar sem planið er að afgreiða í einum grænum frá Alþingi í dag og á morgun segir meðal annars: 

„Fyrirliggjandi frumvarp til laga um sjúkratryggingar felur m.a. í sér að komið er upp sjúkratryggingastofnun til að semja um eða bjóða út heilbrigðisþjónustu á markaði gagnvart stofnunum og smærri aðilum. Þar með eru stjórntæki til einkavæðingar heilbrigðisþjónustu stórlega efld að því er varðar lið 2b“

og: „…bendir allt til að frumvarpið muni leiða til aukins heildarkostnaðar við heilbrigðisþjónustuna á Íslandi“.  

Hægt er að lesa umsögnina alla hér.

Rúnar er prófessor og sérfræðingur - ekki stjórnmálamaður. Hann er sérfræðingur rétt eins og Allyson Pollock og Göran Dahlgren. Ég hvet ykkur eindregið til að lesa erindi þeirra sem nú hafa verið gefin út í bæklingi. Hér er Pollock og hér er Dahlgren.

                     

Ég veit ekki til þess að nokkurt af þeim sé „vinstrigrænt“, og ég veit heldur ekki til þess að þau séu ungir jafnaðarmenn, heldur eru þau sérfræðingar og fagmenn á sínu sviði. Sjálfstæðisflokki finnst afleitt að vitna í fagfólk sem ekki eru á þeirra línu - hinni blindu bókstafstrú einkavæðingar.

                      

Eða eigum við að segja einkavinavæðingar? Hverjir eru sérfræðingar okkar þar?

Athugasemdir

[Ragnheiður Arna Magnúsdóttir (IP-tala skráð) 9.9.2008 kl. 22:19]

Er ekki sammála. Íslenska heilbrigðiskerfið er hreint og beint ömurlegt apparat eins og það er í dag. Bjó í Sviss og þar var ég með "sjúkratryggingu" og ég ætla bara ekki að líkja þessu saman! Kýs frekar að borga í einkageirann og fá almennilega þjónustu, heldur en að borga miklu meira í ríkisrekna heilbrigðisþjónustu.

[Lára Hanna Einarsdóttir, 9.9.2008 kl. 22:31]

Einmitt það, Ragnheiður. En dettur einhverjum í hug að skattarnir lækki eitthvað þótt hætt verði að dæla peningum í heilbrigðiskerfið?

Og fylgir sögunni hvort iðgjöld af "sjúkratryggingunum" fari eftir efnahag - eða verður taxtinn sá sami fyrir alla, óháð tekjum, eins og allar aðrar tryggingar á Íslandi?

Ég gæti haldið áfram að spyrja út í hið óendanlega. Getur einhver svarað?

[IG (IP-tala skráð) 10.9.2008 kl. 12:10]

Hvaða fávitagangur er þetta? Það er enginn að tala um að setja upp kerfi eins og í BNA. Það er verið að færa kerfið hér og breyta því til þeirra átta sem Norðurlöndin hafa farið. Ég veit ekki hvort VG hefur ekki getu skilja þetta eða vilja.

Allyson Pollock og Göran Dahlgren eru ekki sérfræðingar. Þau eru bæði í bullandi pólitík, álíka vinstra rugli eins og VG stendur fyrir. Hvernig stendur annars á því að formaður BSRB lætur stéttarfélag flytja inn fólk og borga kostnað af því að reka pólitískan áróður fyrir VG? Algjört siðleysi!

[Svava frá Strandbergi , 10.9.2008 kl. 13:01]

Sæl Guðfríður.

Vonast til að sjá þig við opnun sýningar minnar í Gerðubergi föstudaginn 12. sept. kl. 4.

Sýningin er opin til 2. nóv.

Kveðja 

Guðný Svava Strandberg
bloggvinkona

[Jón Snæbjörnsson, 10.9.2008 kl. 14:09]

þetta verður töff ef af verður, ef hið opinbera nær að færa gjöldin niður á við þá er það bara gott - en í dag þá færi ég varalega held að farið sé of geist í þessar tilfæringar allar og enn meiri mismunun muni koma fram, það er enn margt óunnið td hefur ekki verið samið við tannlækna þ.e. tannsérfræðinga í nær 25 ár og eru því allar endurgreiðslur frá Tryggingastofnun miðaðar við það tímabil, því má ekki klára eitthvað áður en lengra er haldið.

Ég segi nei