Einkaþota grunngilda

Ég bloggaði í fyrradag um mál Miriam Rose. 

Ætti maður ekki bara að segja sig úr Íslendingaklúbbnum, klifra upp í mastur og neita að koma niður ef við gerum okkur það til skammar að vísa Miriam Rose úr landi? Ég var flínkur klifurköttur þegar ég var lítil, ég ætti vel að geta rifjað upp gamla takta. Ég er spennt að sjá hvert mér verður vísað. 

Ef Miriam er vísað í burt og má aldrei koma til baka, verandi þessi ógnun við grunngildin, ætli hún fái þá far með Ólafi Ragnari í einkaþotunni?

Það er jú skylda æðstu embættismanna að reyna pínu að spara fyrir ríkið - þetta væri ákveðin hagræðing. Hagræðing er gullkorn dagsins hér þar og alls staðar - allavega þegar hún lendir á venjulega fólkinu.

Það mætti eiginlega segja að þetta væri tvöföld hagræðing.

Grunngildaógninni yrði bægt frá en um leið væri brottrekstrinum breytt í eins konar endurhæfingu - einkakennslustund í einkaþotunni um grunngildi íslensks samfélags.

Sem eru aftur hver?

Athugasemdir

[Lýður Árnason, 29.9.2007 kl. 05:04]

Samkvæmt fjölmiðlapistli hefur þessi stúlka lofað "bót og betrun" og mun ekki taka þátt í frekari mótmælum í framtíðinni.  Grunngildunum er því ekki hætt að sinni.  

Takk fyrir skemmtilegt skákmót og hóf nýverið.

[Gunnar Th. Gunnarsson, 2.10.2007 kl. 02:07]

Grunngildin eru heiðruð með því að leyfa hugsjónafólki að valda tjóni fyrir tugmiljónir.

[Hlynur Hallsson, 2.10.2007 kl. 22:05]

Já, þau eru einkennileg þessi "grunngildi" útlendingastofnunnar. Ætli þau líkist eitthvað grunngildum Sjálfstæðisflokksins, frekar grunn. Bestu kveðjur,