Flagð er undir

Hagspá Landsbanka Íslands fyrir 2008 - 2010 var gefin út í vikunni.

Hafið þið kíkt á hana?!

"Við reiknum með að á næstu átta árum verði lokið við stóriðjuframkvæmdir sem samsvari byggingu þriggja nýrra álvera ásamt tilheyrandi fjárfestingu í orkuframleiðslu. Líklegt er að þarna verði um að ræða byggingu álvers í Helguvík og stækkun eða nýtt álver Alcan, auk stóriðju á Norð-Austurlandi. Um tímasetningar og umfang framkvæmda er fjallað nánar í rammagrein á næstu síðu. Samkvæmt áætlunum hins opinbera verður aukið verulega við fjárfestingu á næstu árum."

Þetta er á bls. 11.

Er það þetta sem kallað er stóriðjuhlé, umhverfisvitund, á fögru máli valdapólitíkurinnar? Nákvæmlega hvaða áætlanir hins opinbera er verið að vísa í?

Athugasemdir

[Villi Asgeirsson, 21.9.2007 kl. 20:50]

Þetta hljómar skemmtilega:

Meðal þess sem rætt var: Hagvöxtur að eilífu - stóriðjan áfram við völd

Ég fann þetta ekki í skírslunni og var ekki á staðnum, svo ég er kannski að misskilja þetta, en er það svona sem framámenn þjóðarinnar ímynda sér framtíðina? 

[AG (IP-tala skráð) 21.9.2007 kl. 20:53]

" ... verulega við fjárfestingu á næstu árum. Samkvæmt áætlunum hins opinbera verður aukið verulega við fjárfestingu á næstu árum. Í riti fjármálaráðuneytisins, Þjóðarbúskapnum, sem kom út í júní síðastliðnum, er reiknað með því að fjárfesting hins opinbera aukist um 16,3% að raungildi í ár, um rúm 45% á næsta ári og 6% til viðbótar árið 2009."

Heimildin fyrir áætluðum fjárfestingum hins opinbera sem vísað er til er strax í næstu málsgrein á eftir tilvitnun þinni: Þjóðarbúskapurinn, júní 2007. Hélstu að verið væri að tala áfram um orkufrekan iðnað þegar talað var um áætlanir hins opinbera?

Kaflinn "Fjárfestingar á öllum vígstöðvum" hefst með upptalningu á þremur fjárfestingasviðum og á eftir klausunni um fjárfestingu opinberra aðila er í beinu framhaldi talað um miklar fjárfestingar í íbúðabyggingum.