Konur kyssa

 

Laura Dern fékk ekki hlutverk í Hollywood í ár eftir að hún kyssti Ellen DeGeneres.

Púkalegt. Talandi um forræðishyggju.

Ef ég væri Hollywood mundi ég láta hlutverkunum rigna yfir konur sem kyssa konur. Þótt ekki væri nema til að stuðla að örlítilli sögulegri leiðréttingu á því ömurlega misrétti sem konur sem kyssa konur hafa þurft að þola í gegnum tíðina.

Svo er öllum svo óskaplega hollt að láta hrista aðeins upp í sér í Hollywood.

Ég mundi líka láta hlutverkunum rigna yfir allar hinar konurnar sem kyssa karla. Konur yfirleitt sem eru orðnar eldri en 30 ára og 40 ára og 50 ára og 60 ára eiga erfitt með að fá almennileg hlutverk í kvikmyndum, hvern svo sem þær kyssa eða kyssa ekki. Þær þykja víst ekki nógu unglegar og kannski heldur til of gáfulegar eða þreyttar og auk þess eru ekki skrifuð nærri því eins mörg og mikil hlutverk fyrir konur.

Þetta allt mundi ég gera ef ég væri Hollywood.

En ég er ekki Hollywood og þess vegna segi ég bara eins og Bangsímon: Ég lofa að vera góður bangsi í dag.

Athugasemdir

[Sigfús Sigurþórsson., 24.4.2007 kl. 08:15]

Þeir í Hoolywood hafa kannski bara engan áhuga á lessum.

[Júlíus Valsson, 24.4.2007 kl. 09:14]

Hvað með konur sem kyssa fallegar kýr?

[Aðalheiður Þórisdóttir (IP-tala skráð) 24.4.2007 kl. 20:36]

Sigfús og Júlíus, óttalega er þetta nú aumt hjá ykkur.

[Jóhannes Ragnarsson, 25.4.2007 kl. 07:34]

Gamansamir menn Fúsi og Júlli, eða hitt þá heldur.