Dýrkeyptur gróði Alcoa

 

Fyrsta álið frá Alcoa í Reyðarfirði hefur litið dagsins ljós.

Ég vildi óska að allir Íslendingar hefðu fengið að kynnast því stórbrotna landsvæði sem eyðilagt var um alla tíð fyrir þetta ál - einstæðum gróðurvinjum hálendisins, stórfljótum, fossum, flúðum, jarðmyndunum - og eftir þau kynni fengið að greiða atkvæði um Kárahnjúkavirkjun og allt það sem henni hefur fylgt.

Ég er ekki í nokkrum vafa um það að ef allir hefðu gert sér grein fyrir því hvað þarna hefur átt sér stað og hefðu fengið um það að segja þá hefði niðurstaðan verið önnur. Tillögum VG um þjóðaratkvæðagreiðslu um stærstu framkvæmd Íslandssögunnar var hins vegar hafnað af öllum flokkum. 5 þingmenn af 63 vildu leyfa þjóðinni að segja sitt.

Ef þjóðin hefði fengið að ákvarða sjálf um málið þá held ég að fjármunum sem samsvara nokkrum "hátæknisjúkrahúsum" hefði skynsamlega verið varið í "eitthvað annað" og betra uppbyggingarstarf heldur en sovéskættuð náttúruspjöll. Aðrar og fjölbreytilegri hugmyndir um hvernig megi byggja upp blómlegt Ísland um allt land hefðu ef til vill fengið að njóta sín fyrir hundruðir milljarða.

Ef ríkisstjórnin heldur velli mun hún halda áfram á sömu braut. Hví ekki, ef hún fær til þess umboð? Viljum við það?

Fyrsta álið framleitt í álveri Alcoa

Athugasemdir

[Stefán Einar Stefánsson (IP-tala skráð) 23.4.2007 kl. 15:03]

Afhverju höfðuð þið ekki bent almenningi á þessa umhverfisperlu fyrr en ákveðið var að virkja þar?

[Björn Emil Traustason, 23.4.2007 kl. 15:04]

það geta allir skoðað gilið á myndinni það er þarna og verður um á komna framtíð. Ekki nóg með það heldur er hrikalega flott lón fyrir ofan gilið.

[Agnes Ásta, 23.4.2007 kl. 15:31]

Eftir lestur þessarar greinarkorns þíns dettur mér það ágæt færsla hjá Zygmarr „Sandkassaheimspeki“. Þar segir hann m.a.: „Það er líka barnalega einföld lífspeki sem gerir ráð fyrir því að bara einn flokkur sé góður og allir aðrir fullkomlega vonlausir. “Ef flokkurinn minn kemst til valda verður allt rosalega gott og fallegt og við verðum ógeðslega rík. Ef aðrir flokkar komast til valda þá verða aldraðir og öryrkjar krossfestir á gaddavír með innyflin úti og við deyjum öll fátæk úr skyrbjúg. Og svo verður landinu sökkt náttúrulega”.“ Eitt til viðbótar, er hátæknisjúkrahús í Vatnsmýrinni ekki sovésk ættuð náttúruspjöll?  Hvar eru hrópin og köllin vegna þeirra hjá ykkur Vinstri Græningjum?

[Sigrún (IP-tala skráð) 23.4.2007 kl. 15:50]

Þið ,,umhverfissinnar" skuluð fyrst reyna að búa úti á landi, eiga eignir á stöðum þar sem fasteignaverð er í lágmarki (og vera þá í svokölluðum ,,átthagafjötrum) og hafa ekki þann kost að selja og flytjast um set og horfa á eigin heimabyggð drabbast niður þar sem atvinnutækifærum fækkar og fólk flyst í burtu í stórum stíl. Prófið að eiga RAUNVERULEGA HAGSMUNI á slíkum stað áður en þið boðið afturhald á borð við þetta.

Það er mjög auðvelt fyrir höfuðborgarsvæðisbúa eins og þig að söngla um fegurð náttúrunnar og standa í vegi fyrir framförum hinum megin á landinu á meðan þú, búandi á höfuðborgarsvæðinu, þarft ekki að hafa áhyggjum af litlum atvinnutækifærum, fólksfækkun og lækkandi fasteignaverði.

Því miður lifir landsbyggðarfólk ekki á fegðurinni einni saman, ferðaþjónustan er að mestu leyti bundin sumarmánuðunum og því lítt raunhæfur möguleiki sem heilsársstarfsvettvangur og þar að auki mengandi atvinnuvegur (átroðningur á landi, útblástur bifreiða ofl.). Margt er búið að reyna úti á landi - þið talið alltaf um að gera ,,eitthvað annað" - ég get ekki séð og heyrt hvaða ,,annað" þið eruð alltaf að tala um. Reynið að koma með raunhæfar lausnir svona einu sinni.

 Rétt er að benda á frétt frá því í gærkvöldi þar sem fjallað er um brennisteinsmengun af völdum Hellisheiðarvirkjunar sem ÞIÐ VINSTRI GRÆNIR komuð á koppinn þegar þið voruð í R-listasamstarfinu. Á þeim fáu stöðum sem þið vinstri grænir eru við völd gerist þið sek um nákvæmlega það sem þið eruð sífellt að gagnrýna. Og furðulegt er hversu lítið talað er um Hellisheiðarvirkjun - kannski er hún ekki nógu langt í burtu frá höfuðborgarsvæðinu ......

[Árni Sigurður Pétursson, 23.4.2007 kl. 17:17]

ok ég verð nú að spurja að einu, restiner komin fram hérna að ofan

 hafðir þú farið þarna upp að kárahnjúkum ÁÐUR EN það kom til greina að virkja þarna ?

og svaraðu nú alveg satt og ekki koma með "stjórnmálamannasvar"

ég vill bara fá já eða nei svar.

ég er einn af þeim "fáu" sem að hafa komið þangað, og verð ég að segja að 90% af því sem að er að fara þarna undi lón er bara ekkert merkilegt, smá hluti sem að maður hefði verið til í að sjá, en aftur á móti illmögulegt að komast þangar

merkilegt hvað allir "grétu" þetta land sem að ómar sýndi okkur, þess má geta að maðurinn tók fleyri klukkutíma efni þarna og við fáum að sjá aldrei meira en 4 mín í einu og efast um að það nái 2 tímum sem að við höfum séð samtals,

afhverju ætli það sé ?

vegna þess að það er ekkert að sjá þarna, já og flottustu myndirnar sem að ómar sýndi okkur, hann gat séð það vegna þess að hann var í flugvél, ófært þangað annars

en já.. svaraðu nú

fórst þú uppað kárahnjúkum ? 

[Lárus Vilhjálmsson, 23.4.2007 kl. 17:21]

Takk Guðfríður Lilja að minna okkur á þetta. Það er sorglegt að sjá sumar athugasemdirnar við færsluna þína þar sem málflutningurinn dæmir sig sjálfur. Guð hjálpi okkur ef að þessi sjónarmið fá að halda áfram að ráða ferðinni. Eina leiðin til að afstýra því er að fella ríkisstjórnina.

[Hilmar Ingi Ómarsson (IP-tala skráð) 23.4.2007 kl. 18:05]

Þessi virkjun er snilld og framkvæmdirnar allar fyrir austan, lónið er fallegt og fallegasti hluti gljúfrana er í góðum gír fyrir neðan stífluna. Skil ekki þetta væl í ykkur !

[Árni Gunnarsson, 23.4.2007 kl. 18:12]

Ég er viss um að gildi regnskóganna hefur ekkert með það að gera hverjir njóta og sjá. Ég tel mig hafa nægar heimildir fyrir því að sóðaskapur iðnríkjanna sé búinn að eitra svo lífríki norðurhjarans að ísbirnir séu komnir á válista. Aldrei hef ég séð lifandi ísbjörn í sínu umhverfi en mér finnst eins og mig varði um þetta.

Marga umræðu hef ég lifað á langri ævi. Enga þó sem nálgast í allri heimsku og hroka þeirri sem postular hagvaxtar á Íslandi hafa látið frá sér fara um virkjun Kárahnjúkasvæðisins. Ég bíð þess að seinni tíma umræða gefi þeim þá einkunn sem hæfir. 

[Örvar Þór Kristjánsson, 23.4.2007 kl. 20:03]

Flottar athugasemdir hjá mörgum.

Hvernig væri að fá svör greinarhöfundar?

Hafðir þú farið þarna upp að kárahnjúkum ÁÐUR EN það kom til greina að virkja þarna ?

Hvaða lausnir hafa VG komið með annað en að tína fjallagrös?

Annars er þetta orðið svo þreytt, tala um þetta svæði eins og einhverja náttúruperlu.  Það vissu fæstir af þessu svæði, jafnvel hörðustu mótmælendur.  Það er bara hvimleitt að sumir eru á móti, til þess eins að vera á móti.

[http://villimadurinn.bloggar.is/ (IP-tala skráð) 23.4.2007 kl. 20:15]

því miður virðist oft vera hjá vg að tala um reykjavík og eins og þú sagðir, nota frekar peningana í hátæknisjúkrahjús, sem yrði örugglega í reykjavík. Ég spyr þá, Hvað hefði átt að koma í staðinn fyrir kárahnjúkavirkjun, og alla þá atvinnu sem skapast af henni

[Kolgrima, 24.4.2007 kl. 00:25]

Það var yndislega fallegt þarna, þetta er algerlega ófyrirgefanleg náttúruspjöll. Flott mynd, Lilja.

[Guðmundur (IP-tala skráð) 24.4.2007 kl. 06:20]

Hvernig komstu þú eiginlega til Kárahnjúka?  Var það ekki á vegum lögðum af Landsvirkjun, vegna virkjunarinnar?  Hjölli Gutt benti nú á í Árbók Ferðafélagsins (man ekki árið), að nauðalíka náttúru væri að finna annarsstaðar á landinu, og því ætti fólk ekki að vera þvælast þarna uppeftir enda erfitt með eindæmum.

Það er sorglegt að hlusta á ykkur umhverfisfasista alltaf vera að væla um þessa virkjun og eitthvað svæði sem enginn vissi hvar var, nema Landsvirkjun, Ómar og aðrir fljúgandi fuglar.

[Guðmundur (IP-tala skráð) 24.4.2007 kl. 06:21]

Hvernig komstu þú eiginlega til Kárahnjúka?  Var það ekki á vegum lögðum af Landsvirkjun, vegna virkjunarinnar?  Hjölli Gutt benti nú á í Árbók Ferðafélagsins (man ekki árið), að nauðalíka náttúru væri að finna annarsstaðar á landinu, og því ætti fólk ekki að vera þvælast þarna uppeftir enda erfitt með eindæmum.

Það er sorglegt að hlusta á ykkur umhverfisfasista alltaf vera að væla um þessa virkjun og eitthvað svæði sem enginn vissi hvar var, nema Landsvirkjun, Ómar og aðrir fljúgandi fuglar.

[Guðmundur (IP-tala skráð) 24.4.2007 kl. 10:48]

Já Jón, erfitt fyrir ferðamanninn að komast þangað.  Það sem ég hef heyrt af sósíalistum og umhverfisasistum, þá vilja þeir meina að Kárahnjúkavirkjun muni eyðileggja alla ferðaþjónustu á svæðinu?  Ekki var hún mikil fyrir, en með þessu gæfuspori fyrir austfirðinga mun hún byrja að blómstra...segi ekki á ný.  Hvað ætli það leggi margir erlendir ferðamenn leið sína á Nesjavelli?  Fjölmargir, enda leiðsagðar ferðir um virkjunina. Hef sjálfur farið með Bandaríkjamann þangað sem þótti það toppurinn á ferðinni að sjá inn í Nesjavallarvirkjun.

Nú þegar Landsvirkjun hefur lagt vegi þangað upp eftir, verður hinum almenna ferðamanni mögulegt að skoða svæðið á auðveldan hátt.  Fyrir vikið mun ferðaþjónusta á Austurlandi eignast fleiri tækifæri og möguleika örari vexti. Klárlega munu ferðaþjónustustörf skapast, bein og afleidd, vegna þessarar virkjunnar.  

[Árni Sigurður Pétursson, 25.4.2007 kl. 00:57]

hvernig er það.. fást engin svör við þessu ?

eða er pólitíkusinn svona rosalegur að það er bara hummað fram af sér þangað til að þetta gleymist ? 

[Gunnar Th. Gunnarsson, 26.4.2007 kl. 15:21]

Afhverju er þessi mynd með í pistlinum?. Tengist hann eitthvað virkjuninni? Ég fæ ekki betur séð en að myndin sé tekin fyrir neðan stíflu.

[Eiður Ragnarsson, 26.4.2007 kl. 19:28]

Ein fjölsóttasti ferðamannastaður í Ameríku er Hooverstíflan, en hana sækja rúmlega miljón manns á ari hverju, ekki hefur það haft neikvæð áhrif á aðsókn að þar sé mannvirki og uppistöðulón af svipuðum toga og Kárahnjúkar.

Það er aveg ljóst að svona mannvirkjagerð og ferðaþjónusta geta farið vel saman og þar er tækifæri sem við eigum að nýta.