Bætum kjörin - burt með fátækt

Í dag kl. 16.00 opnum við Vinstrigræn kosningamiðstöð okkar í Suðvesturkjördæmi, Kragakaffið í Hamraborg, Kópavogi. Allir eru hjartanlega velkomnir.

Við boðum um leið til fréttamannafundar undir yfirskriftinni Bætum kjörin - burt með fátækt þar sem heiðursmaðurinn Ögmundur Jónasson, Ingibjörg Inga Guðmundsdóttir, Álfheiður Ingadóttir, Gestur Svavarsson, Þuríður Backmann, Benedikt Davíðsson og fleira gott fólk mun leggja á ráðin í atlögunni gegn fátækt á Íslandi.

Fátækt og neyð í okkar auðuga landi er smánarblettur sem verður að afmá hið fyrsta. Við getum það vel ef við setjum það sem forgangsverkefni númer eitt og gefum allt okkar í það.

Athugasemdir

[Jóhannes Ragnarsson, 10.4.2007 kl. 12:49]

Ef ég segi eins og mér býr í brjósti, þá held ég þið gætuð sem best verið án Álfheiðar Ingadóttur og Gests Svavarssonar við þetta tækifæri, ég fæ enganveginn séð að þú og Ögmundur eigið mikla samleið með því fólki.

Að öðru leyti óska ég ykkur velfarnaðar í kosningabaráttunni.

[arnar valgeirsson, 10.4.2007 kl. 17:38]

Jebb, mikið væri nú áunnið ef staðan yrði þó ekki nema svolítið jöfnuð hjá landsmönnum.  Og til hamingju með nýja miðstöð, megi hún verða sem lestarstöð í London!!

[Guðmundur (IP-tala skráð) 19.4.2007 kl. 20:49]

Fátækt og neyð í okkar auðuga landi er smánarblettur sem verður að afmá hið fyrsta. >>> "Við getum það vel ef við setjum það sem forgangsverkefni númer eitt og gefum allt okkar í það."   "Ef við"  og  "Gefum allt okkar" ? í það.  Það er blessuð blíðan í dag.  Það held ég.  Jæja, Gleðilegt sumar. Ég hélt að við værum númer eitt (mannfólk)