Hvað merkir stóriðjuhlé?

Kristján Möller, oddviti lista Samfylkingar í Norðausturkjördæmi, er í athyglisverðu viðtali við Skarp, bæjarblaðið á Húsavík, undir fyrirsögninni:

"Stóriðjuhlé þarf ekki að stöðva eða fresta álversframkvæmdum á Bakka."

Þar segir Kristján m.a.:

"Ég hef ekki falið Hafnfirðingum löggjafarvald mitt, þeir geta greitt atkvæði um sínar lóðir og sín tún, en ég áskil mér áfram minn rétt sem alþingismaður til að taka ákvarðanir um efnahagsmál, gróðurhúsaáhrif og fleira. Og ég hef t.d. sagt á Alþingi að þessum gróðurhúsalofttegundapakka eigi að skipta jafnt milli landshluta og tel að það sé komið að Norðlendingum að fá síðasta partinn af þeim pakka. Og stóriðjuhlé kemur heldur ekki sjálfkrafa í veg fyrir eða frestar álveri á Bakka."

Kristján fær plús í kladdann fyrir að koma til dyranna eins og hann er klæddur og segja heiðarlega frá skoðun sinni. Það er ekkert jafn mikilvægt lýðræðinu í landinu.

Athugasemdir

[Jóhann Páll Símonarson (IP-tala skráð) 2.4.2007 kl. 09:26]

Góðan dag Guðfríur Lilja.

Þessi rök þín duga mér ekki eins og ég sagði þér áður þetta er bölvað bull.

Jóhann Páll Símonarson

[Ingólfur Ásgeir Jóhannesson, 2.4.2007 kl. 10:34]

Hins vegar ef Jóhann Páll á við það sem Kristján segir, þá er spurning hvort það er þá "bölvað bull". Held samt að ég taki undir með Guðfríði Lilju að það er gott fyrir okkur að vita nákvæmlega hvar forystumaður í Samfylkingunni stendur, og hrósa Kristjáni fyrir það, en vonandi standa aðrir tilvonandi þingmenn Samfylkingarinnar með okkur í baráttunnni gegn því að virkja háhitasvæðin í Þingeyjarsýslum og í framhaldi af gegn kröfum Alcoa um stærra álver og virkjun í Skjálfandafljóti. Allt þetta er veruleg ástæða til að óttast.